الـمُغـدِق لـ / الأحاسيس.. فيصل العدواني..!!

..

السلام عليكم ورحمة الله وبركاته

::

لـ / الشعر عذوبة بـ / احساسه

وعنفوانٌ بـ / سلاسة أبياته..

يظل شامخاً متسيداً بـ / نهجه الخاص..

المروي لـ / أوتار الحنايا..

شاعرٌ

سار على نهجٍ فريد

تستلذ العين بـ / قرائة أبياته المخمليه

شاعرنا..

::

فيصل العدواني..

::

ابن الشاعر فهد بن هادي العدواني

عضو ديوانية شعراء النبط الكويتية

عمل بالصحافة من خلال إعداده لملف هواجس الشعري
وصفحات أبراج الشعر

اصدر ديوان صوتي بعنوان (( هواجس )) عام 2000

اصدر ديوان مقروء بعنوان (( الطلسمه )) عام 2006

اصدر ديوان صوتي بعنوان (( أمسية الكويت )) عام 2007 جديد

نشرت قصائده بمختلف وسائل الإعلام المقروءه والمرئية والمسموعة

أقام العديد من الأمسيات داخل الكويت ومن أهمها :

- أمسية نادي الصيد والفروسية عام 2000

- هلا فبراير 2001

- أمسية هلا فبراير عام 2003

- أمسية مهرجان الجهراء الثقافي عام 2004

- أمسية وضوح الرأي عام 2005

- أمسية قطوف الكبرى 2006

- أمسية مهرجان محروسة ياكويت عام 2007

والعديد من ((الاصبوحات الشعرية )) في الجامعات والمعاهد

كما شارك الشاعر بالعديد من الأمسيات والمهرجانات
الخليجية والعربية من أهمها

- أمسية اتحاد الطلبة بالأردن عام 2003

- أمسية القاهره عام 2007

- أمسية المهرجان الثقافي في قطر عام 2006

- أمسية سفاره الكويت في عمان عام 2005

- أمسية مهرجان حائل عام 2006

- أمسية أبها عام 2006

يــــــــــــــتبع..

..

اعرف العلم والرجال يجي بالوجه ماهو بخلاف
واميز بين هالناقد وحاسد حكيه ابلاني

تركد لاتجي ملقوف تلم اشراعها بمجداف
ولامن ماوصلك علمي يجيلك علمي الثاني

وانا والله ماجاري رخوم./بالاصح اضعاف
ولكن حدني وقتي وجاب اقصاي والداني

عسا ماشر((يافندينا!!))تبي تعرف وش الانصاف
وسواتك لاهرج مثلي سكت ماعاد له شاني

وسواتك لو تمر بنت غدا يالله ياخلاف
يبيع أطيب رجال العف وغدا بالسلم نصراني

وسواتك لو لفى مجلس لك الله مهايطه ينعاف
يضيق ابيا الفضا والكون ابسأل كيف ورداني

واذا صكت ثم احتكت تغيب ونادر تنشاف
تنس مثل الثعل هارب تقل لافيك قوماني

بنيت من الردا قصرك وتلحفت الخمال لحاف
ومثلك ماشغل فكري وخذا من حقه الساني

ابحشم نفسي وارفعها وبسكن في ظهر مشراف
وابطلق للسما روحي عساها تطيب جنحاني

ولك الله ماكتبت الشعر وصغت القاف فوق القاف
سوى لادك بس همي يفضفض عني احزاني

وقالوا للقصيده بيت عليه من ((البلاغ)) اوصااف
وانا باسمعك هالبيت بلاش اتضيع من ثاني

تسير القافله و((...............)) ينبح ولاعلي خلاف
مدام اني ولد شايب..على الطولااااات رباااااني

***********

مسرحيــه صــارت الدنـيـــا بعيــونـــي

وانتــي اجـدر من لعـب دور البطولــــه

يـامــلاك الحــب عفــــوا... ياجنـــونــي

لوسمحتـــي بخـاطــري شــيٍ بقولـــــه

بسألك وشلــون خابــت بــك ظنونــــي

وكيف هانت عشـرتي معـــك بسهولــه

وليه كنتــي توصفــي حالــك بدونـــــي

مثــل وادي ينتظــر تجـــري سيولــــــه

هـو غبـــا منــي تسيرنـــي شجونــــــي

او غبــا اتبــع خفوقـــي فـــي ميولـــــه

اوغبـــا صديــت عــن نــاسٍ نهونــــي

ثم ضربت الكون في عرضــه وطولـــه

وانصحوني ..وانصحوني.. وانصحوني

لا تجــــي خطـــوات رجلينــك عجولــه

وكنــت اكابـــر واحلــف انـك ماتخونـي

ليـن جتنــي طعنتـــك فــي صــدر يولــه

فعلتــــك تمحــــا ويبقــــى يافتـونـــــي

شـــي واحـــد وان سمحتيلـــي بقولـــه

انتـــي اعلـــم من اكــون ومن تكونـــي

والجبـل مــا هزتــــه ريـــحٍ خجــــولـــه

**********

لا إلـه الا انـت يـا رحمـن ياواحـد احـد

واهـبٍ نـور الهدايـه عـن دروبٍ مظلـمـه

باسـطٍ سبـعٍ وسبـعٍ فوقهـا بلـيـا عـمـد

فارضٍ خمـسٍ عليهـا العبـد نفسـه مسلمـه

اشهد ان وحدك إلهـي ربنـا الفـرد الصمـد

واشهـد محمـد رسولـك والكـذوب مسيلمـه

واستجيـر برحمتـك يالله مـن ضيـق اللحـد

والتجيبك من عـذاب القبـر واهـل المشئمـه

واستعيذك يا الاه الكـون مـن حاسـد حسـد

ومن نفث في عقدته من بعـد ذيـك الطلسمـه

ثـم اببدابـك الهـي راجـيٍ منـك الـرشـد

الشعر يغـوي وانـا غاويـه لاجيـت انظمـه

دام بي فيـض المعانـي كثـر طفـاح الزبـد

الخطا وارد وانـا عبـدك ولا اقـدر اعصمـه

اجتهـد وادري بـإن ماكـل مـن يجهـد ورد

للمصاب اللي يبيـه مـن بعـد شـدة محزمـه

يعني لو صح المثال ان كـل مـن جـدا وجـد
كان ماخسر الفتـى وخطتـه كانـت محكمـه

وكان ماشفنا مـن اللـي فزعتـه تسـوا بلـد

نكـس ارقبتـه والا يـادوب يجتـر انسـمـه

وقتنـا فيـه التضـاد اشكـال واكثرهـم نكـد

الجلم فيه اذكيـا!! ولا الذكـي فيـه جلمـه؟؟

فوضويه عارمـه لامـا حصوهـا فـي عـدد

والحقايـق خايبـه والزيـف يرتـف علـمـه

مثل مـا شفنـا البخيـل اليـوم للعليـا صعـد

بكره انشوف الكريـم ان مـر ذكـره نشتمـه

البخـل ماهـو ببخـل المـال لاشـح المـدد

البخـل باللـي تكاثـر ضحكـةٍ مـن مبسمـه

والجبان اسوء صـوره الـذل والاسـواء بعـد

قذف عـرض المحصنـه يالله لاتبـري دمـه

والادب ماهو رزانـة القـاف للـي بـه نشـد

كـم وكـم شاعـر يخالـف مايدونـه اقلمـه

ماسلمت..ولاسلـم غيـري ولـو انـه جحـد

اغلب الشعـار تخطـي والخطـا فينـا سمـه

كن عيني عن طريـق الحـق حاديهـا الرمـد

ولـو بفكـر بالاجابـه .. الاجابـه مبهـمـه

وان تجاهلـت الحقايـق داخلـي شـيٍ وقـد

ما قوى صدري يطيقه ونفسـي عيـت تهظمـه

ان مشت رجلي تبعها..وان قعدت يمـي قعـد

مدري هو..!!باقي الضمير الحي وأزريت اكتمه

رحمتك يامن ملكت الكـون والهمنـي الرشـد

دام يغويني الشعـر واغويـه لاجيـت انظمـه

ودام بي فيض المعانـي كثـر طفـاح الزبـد

الخطا وارد وانـا عبـدك ولا اقـدر اعصمـه

********

بزهمك يا هاجسي والحمل كانك تقدره

والغزيــر اليــا زهـمتــه لايجيــب الا الغزيــر

شايفـك مـن هــول مابـك منـت قـاو السيطـره

ولــو تلــوًح مايصيــر آقــول لا والله يصيـــر

منت (ابو الطيب) ولاني في قصيدي (عنتره)

لا ولا انت (بوفراس) ولاني المدعو (جريـر)

شاعرٍ من طيب ( فيصل ) جاني بالراس انعره

شلعت بي من (الكويت) ولين ما جيت ( لعسير)

ياســــلام الله ســــــلامٍ والنـوايــــا معطــــــره

عطرهــا ريح الخزاما ورعــة انفــاس العبيــر

سقتهـــا ( لإبــن الملوك ) معــززه ومقــــدره

وصـغتها بعـذب حروفـي واكتسـت ثوبٍ حرير

والقصيده كان ماهي أبـ فيه ما فيهـــا اثمــره

لــن ذكــره دوم غيــر وكن يبصــره الضريــر

يرتقــي بالجــود ليــن الجــود يحكــي منبــره

عــن خصـايلـه الحميـــده ويتـقــدوبـــه كثيـــر

سيـــدي جيتــك ببــارك والمشـاعـر ممطـــره

مــا ابـي رتبـة عميــد ولا ابـي سطـوة وزيـر

جيـت امثـل ديرتـي والطيـب من عــام اذكـره

حامــلٍ اسمــا التهـاني هدوْ يالـراس السطيـر

والمحبـه وهبــة اللــي فـــي يديــه المغفـــره

وانــت ربــي حصلــك منهـا بمحصـولٍ وفيـر

يعنـي لو جينـا انحسبهـا بالقلــم والمسطــره

كـان شاركنــا بغلاتــك الشفــق مع كل طيـــر

والله انــه لو جبـــال (ابهــا) لديهــا حنجــره

كــان قالــت ماتبــي غيرك (يابو خالد) اميــر

وكان سولـف عن كرمك الريح لامر اشجــره

ويتبادلهـــا سحـــاب الليـل للنجــــم الاخيــــر

كلنــا فـــي صـــف واحــد.. إلا والله اخشـــره

انتفاخــر بك وتبقــى الذخر يالسيف الشطيــر

سيـــدي ماعــاد بينـي عنــك والحلم شعـــره

دام صافحتــك يمينــي اشهد انـي بألـف خيـر
سيـــدي والشعــر لاطــول يشـــوبه ثــرثــره

او تمـلق..او كـذا..او أيـش .. من هـذا الأثيـر

بـس ودي اعترفـلـك وشهـو عندي مظمــره
واختصـر بعـد المسافـه لايطـول إبيـا المسير

تدري وش يكسر شموخ الشعر..ويفك اظهره

يــوم يمدح شخص مثلك .. خابره دايم كبيــر

********

ياهجوس الشعر فـزي وإجلبي عذب الكـلام
وإجمعي من بحر فـكري كل دره والثمـين
وإكتبي أجمل قصيده دونيهـا بإنتظام
وبتدي بسم الإله الواحــد ..الفـــرد..المعين
إكتبي بالديره اللي من دخلها مايضام
ديرة مايوم زلت في حقوق المسلمين
ديره من طيب اهلها انحدر جيش الظلام
عود ايجر الهزيمه خايب باله حزين
يوم دكته المدافع ماجنا غير الهدام
ولعت بغداد نار ماتهيد وتستكين
والله انا مابغينا الحرب..ونيران الحطـــام
حدنا طاغوت دجله حده ابليس اللعين
صور الدعوه سهاله في عيون ابن (الحـ....)؟؟
مادرا بالحق يظهر حاظر او بعد حين
حافظك ربي وتبقى ياوطن فوق الغمام
مثل نجم معتلينا رغم كيد الحاقدين
حافظك ربي وتبقى.شهر..شهر..عام..عــــام
بالزمن رمز البطوله وكبرياء المؤمنين

**********

(( الجمـس )) خله وريحنا يا بو ((جميشان))
((والفرت)) هذا قديم ومنتهي دوره

الدعوه ماهي بكشته في هوا ((الصمان))
ونعس قاع من الهتان ممطـــــــوره

مادام حنا بديار الغرب يا ((بليهان))
والديره اللي نبيها بآخر الكوره

عنها تحدينا بحور وسلسة وديان
وجبال ماهي برفعة ((اطويق)) وصخوره

حزم شناطك وسم بسم الله الرحمن
نركب مع اللي صداها يتلي الصوره

ماهي ((بايرباص)) ولاهي من وارد اليابان
من ديره علوم الغي مشهوره

((كنكورد)) صنع البريسي ((فرانس ابن متران))
صفوة نتاج المسيح وقايد الثوره

ماهي بكبيرة والا ياقلها البيبان
واح د.. وواحد..تميز لون بلوره

هيكل مهندس تضم اجنوبه الجنحان
والبوز طلقة فداوي رز شرشوره

تصميم منهو ترك بصمه على الاذهان
ماهي تريله ((ابو معطش)) وزموره

اليا استعدت تبي تقلع يجيها جنان
فوق المدرج عسا ماهي بمسحوره

ثم كفخها عسا من جابه النيران
يبغى غصبها يزيد وشد ماطوره

فزت وطرت في بالي فزعة ((العجمـــــان))
ينصون منهو تعزوا ضايق طوره

ثم تعلت وقلبك لامس المصران
والا تعدوا اقول شلون محظوره

والله ياسيتك لو ان ماثبته فنان
تهوى وكنك نزلت بوسط دحدوره

ثم استدارت ومالت ميلة الميزان
من فوق ديره ابو لحيه وباكوره

يتلها اللي ابد مارافق (البدوان)
ولاسرح يتبع الراعي ومقهوره

اسمه مركب واكيد ان ماخذه مجان
مجهول ساسه وامه بس مذكوره

اشقر وراسه بشادي دلة ((الرسلان))
تكرم عساها ماتدني يم حنجوره

ابيض بشدة بياضه تجهر العميان
فوقه رشاش النمش متعنق زوره

خطت عروقه مثل كراسة استبيان
بدين ورع لغف لستاذ طبشوره

لاشفت شكله ابد ياخوك جنتل مان
بس المصيبه لامرك صابتك دوره

لكن شهاده يذا الكابتن نعم بطران
حنكه .. وخبرة .. وله بالجو منظوره

عدا المحيط وبلاد الترك والاسبان
والشرق ((الاقصى)) والادنى شاقح سوره

يالله وقلب المعنى هزه التحنان
يم الكويت وعساها دوم معموره

ديره رجال تعز وتكرم الضيفان
وشلون وهي تقاصر شعب اخو نوره

يالله عسى من بغانا بشر للبهتان
وترد عنا نوايا الخبث مدحوره

عجل علينا تأخرنا يابو ((جميشاان))
و ((الفرت)) خله وجمسك منتهي دوره

*******

هذا انا جيتك بسولف يافهد من حر مابي
فضفضه أو بوح ما ادري المهم جيتك وانا
ضايقٍ بالي وصدري ما قوى يحمل صوابي
والأمل ما بان نوره ولا ألمحت عيني سنا
جابني يمك ثقـــــيل الــهم يوم انه دوابي
أجهده والموت كنه داخل اعروقـــي دنا
استفزيت المعاني والقلم وحده درى بي
يوم بيح من خفوقي كل ما جوفي كــــــنا
والمصيبه يافهد ويشلون بشكي لك عذابي
دام صار الهم شايب وصرت بعيونه ظنا
من بعد يوم المفارق طال ليلي والتوى بي
كل حزن الكون فيني وزاد بي كثر العنا
فارقتني من تبيع الناس لجل لحظة لقا بي
والخطا ماهو خطاها وكنت أول من جنا
اعترف اني خــطيت بحقها وهــــذا جوابي
كان ودك بالحـــقيقه يافــــــهد خذها هنا
صعب تخذل من يحبك وهي أول من هقابي
اني اجمع كل بسمه وآتنصفــــــــــــها المنا
غرني طيشي ومشيته وإلا هو اللي مشى بي
ولا وعيت إلا وانا اهدم صرح من عشقٍ بنا
والله اني ماندمت من الطفوله ليـن شبابي
لين حبل الوصل شفتــــه بأوسـط يديها انثنا
ليتها تغفر خطايا يافهد باللــي جـــــرى بي
بعدها ما غط جـــفني لا ولا قــلبي اهتنــــا
وليتها ترجع وتــجمع ما بقى او ما بقى بي
وأحلف بربي ما ازعلها إلى يـــــــــوم الفنا

*********

إرسمي هالغدر في محجر عيونك
دام صار الوضع متساوي معاك

تجرحين وتظلميني في ظنونك
لين صارت عيشتي شبه الهلاك

كم حلفت وقلت والله مااخونك
وانتي نبض القلب ولادور سواك

وكم جلبت العذر واستدمحت دونك
ولو زعل غيرك انا دور رضاك

وكنت اعض الطرف عن اروع فنونك
الجحود اللي تعلا واعتلاك

عيشي في شكك وتوهي في ظنونك
والحقي الشرهات من وفا بهواك

واخذي هالجمله قبل تغفى جفونك
كنتي غلطه وصعب اكررها معاك

********

كيف مدري وين وصلت حالتي الله عليم
من بعد ذاك الغرام اللي علي الخافق طرا

ان ركد عقلي وجاشي زارني ذاك اللئيم
هاجس ماقد رحمني وبدد احلوم الكرا

والله اني بعين ربعي رجل مايفنيه ضيم
وقبلهم في عين نفسي مادنت نفسي ورا

لين صرت ابمجلسي مليان يا((محمد))اهيم
مااحيط العلم لو صاحب من اصحابي زرا

كني من صابه بغفله مس شيطان رجيم
لارقدوا خلق الله هجع ودك في ليل وسرا

مايرد لراي عاقل لاولاكلمه فهيم
اعتلى قمة جنونه لين كل به درا

من بعد ماكان راس القوم وبفعاله عديم
صار من يرأف بحاله من تذروبه ذرا

كل من شافه صفق كفيه وقال الله الرحيم
والسؤال نفس الاجابه هو برا لاما برا

والنتيجه ماي مقري وبعض من الذكر الحكيم
قالها من خاف به مطوع عنده قرا

هز رأسه ثم تلفت..كان هالموقف أليم
مالكم الا دعاء الرب رزاق البرا

وهذا انا ياخوك يا ((محمد))اوالله العظيم
حالتي تصعب على الكفار باللي بي جرا

كن الموت ارحم ولا استوا حالي سقيم
ارحم بمليون مره ولا ارا هاللي ارا

ماقوى قلبي يتناسى وصار حزني له نديم
كنه مع قلبي قرايب وسط هالحدب اخشرا

ويوم حال الحال دوني كل ما حولي جحيم
تهت انا في سوق بايع لامدري منهو اللي شرا

الوكاد اني ابمصيبه ولاني عن هذا غشيم
ولايفك العوق ربع لا ولا حتى اعشرا

بس مدري وين وصلت حالتي الله العليم
والسبب ذاك الغرام اللي علي الخافق طرا

*******

على ذكر الذي نزل كتابه للنبي داوود
ونجا موسى من فرعون بعد ماغرق وعوانه

أببدا والقصيده توها في اول العنقود
مثل نبت زها طلعه عيون الناس بغصانه

وانا رجل اخاف الله واعرف العيب والنقود
ولاني من كذب كذبه وصدقها على إلسانه

غشيم لاهرج جاب السوالف صدقها مفقود
وناخذها على منهج ..ايا دانه..ويا دانه

نخيتك ياقصيدي وان نخيتك كنك البارود
تجيني بفزعتك ثاير وتنصاني بأخو فلانه

ابي لاضاقت الدنيا بعيني والليالي سود
تبدد ضيقتي بقافك واسج بروعه ألحانه

وابشكيلك زمن جاحد وحنا قسمنا المجحود
زمن ضيع خطاوينا وصار الزيف عنوانه

زمن فيه الشجاع ايهاب ودربه بالشقا موعود
زمن فيه العزيز ايذل ويكثر فيه حقرانه

زمن خلا ضعيف النفس واللي ماوراهم فود
تعلو في مراتبهم وصاروا بأول ألخانه

جهل نرسم امانينا حرار ماتعرف قيود
وحنا مابنا واحد سلم من ظلم سجانه

وعبث نكتب مشاعرنا قصايد والعنا مولود
ربى داخل محاجرنا وصرنا نعشق احزانه

قضينا عمرنا نتعب نبي قولت نعم مردود
نعيش احلامنا بدنيا بها الاحلام خوانه

حدينا مايبات الليل وجاره يشتكي مضهود
يرد الظلم للظالم لو انه اقرب إخوانه

واذا صار الامل دايم على حبل الرجا معقود
دعينا ربنا يلطف بحال الوقت سبحانه

*********

سرداد ياعباد وينك يا مرداد
لا لا خطا كنة اتخربط لساني
مرداد ياعباد احضر يا سرداد
وش قومهم ادعي ولا حد لفاني
ياهاجسي ناديت جنك ولا فاد
الظاهر انهم قارفين المعاني
او يمكن عندهم عيد ميلاد
ما يسمعوني من الطرب والاغاني
يالله بحاول فيك والقاف ميراد
للشاعر اللي ما قرا الاصفهاني
يلعب على المسحوب وقافة على آد
ماهي يادانة ليل دانة ياداني
عشان اميز فرق شاعر وقصاد
وانا ادري انك يالساني حصاني
خابرك في فزعتك اقدح بك زناد
فزعت خليجي ماهي فزعت يوناني
لا قلت لة افزع معي رد نشاد
وعلى مايفهم يمدى الموت جاني
لاحول وش بي خل خلق الله ابعاد
وارجع معك ياهاجسي العنفواني
وان خنتني ياملهمي قصدك عناد
بادرجك بين الرشا والسوداني
لحظة خلص حبر القلم ممكن اسناد
احد يسلفني قلمة لو ثواني
لا لا مشى اكشن وداير ياعداد
برجع اكمل مدري شنهو على آني
ان خنتني ياملهميقصدك عناد
بادرجك بين الرشا والسوداني
لاتقول لي مجنون وان قلت وش عاد
اية اعترف مجنون واعشق جناني
واعيل للعيال لكن لي ابعاد
وابعادي اشيا ما حواها زماني
وعند العقل عاقل وانا جاهد اجهاد
نفسي وانا ادري العمر زايل وفاني
ولي منزل ما بين شيخان واجواد
والخبل ما والله بيجلس وزاني
بس العقل مرات يرثى بي انكاد
وينقض جروح شلتها بالمحاني
خلني كذا والكون كلة لي ابلاد
لا صلرت بالواقع غريب بمكاني
وخلني ارتب للفرح والف ميعاد
وارجع اجدد موعدي الارجواني
اسمعني ياسرداد ويالجذخ مرداد
مافية داعي جن يكفي لساني

*********

يــــــــــــــــــــــــتبع..

..

انا لامن لفــى طيــف الحبيبــه يبتــدي همـي
واحس اني علـى كفــه وكل الناس في كفه

وحيــد ولا لقيـت اللي يطالب بالهــوى دمــي
مغيـر الطيف ياخذنــي ويلف ابمامضى لفه

وعرفت ان الهوى نارٍ حرق منها اللهب كمي
وعرفت ان الوله يترك على عقل الفتى خفه

لجا فـي خاطري كلمه عجـز لا يقولهــا فمــي
وعيني فسـرت صمتـي بعد ماخانــت الشفه

كلبتك هاجســي هــود وخلــك جالـــسٍ يمـــي
ابيك اترف لــي بيـرق من النسيان لي رفه

والا ياطيف وش جابــك تقلــب بالــهوا غمـي
تحلى بالخجل وارحـل ترا نبـع الخجـل عفه

**********

طالبك تسكت ولا تنــشد يابو سـفاح
ماودي يزعل كلامـــي واحدٍ غـــالي ..

مالقلب طيب ولا بالي بعد مرتـــــــاح
و الخوف أجمع غثا الأول على التالي ..

ياما ويامــا تركز بالضــلوع رمــاح
لكن رمح الرفــاقه يزيد غربــالــــي ..

مابين هرج الشماته وضحـكة المزاح
شعره بسيطه وان مالي على فــالـي ..

وحده بوحده وتصبح هالقلوب صحاح
لو كان طبعي أبعد ماكان ذا حالـــي ..

ولو اني من الي يناطح بالصياح صياح
ماكان تعبت ركابي في وقف حالي ..

الله وكيلك يانايف وش بقى ماطــاح
وأقرب قريب غدا في صــف عذالــــي ..

أذكر خسرت وخسرت ولا جنيت أرباح
الله يعــوض جــهـــودي والله الوالـــي ..

واسمع عزايا في ذــيب عــواه نـــباح
بيــت وحـــطه مع تصنيف الأمــــــثالي ..

الحـــر دايــــم تغـــشه ريشـــة المــلواح
لكـن يـــبقى عــزيز و منـــزله عالـــي..

خلني بفضفض بشـعري كني المرتـاح
بكتبه مــره بعــقل وأحيـــان بهــبالــي ..

بعســـف مهــار القصايد وارتشفه قراح
وياكـثر ناس هــوت قافــي و موالــي ..

بنــيت نفــسي بنفسي والتـحفت وشاح
واخترت أنا في رفيع المــجد منـــزالي ..

والحــاسد الي بقاني مامعــاه ســلاح
ياكود هرج القفـيا و جــوفه الخـــالي ..

طالـــبك رح له ورجه لي يابو سفــاح
لا يحــدني وألقـب الأول على التــالــي ..

***********

الـضـيـقـه الــلــي تقـلـبـنـي واقـلـبـهـا
يالله عسـاهـا طــواري لـيــل وتـعــدي

لــي يــوم ثـالـث تجاذبـنـي واجـاذبـهـا
الـيــن شـــدت بيـديـهـا عـلــى يــــدي

مـــا كـنــي الا قـريــب مـــن قرايـبـهـا
وماكنـهـا الا سليـلـه مــن نـمـى جــدي

يا كثـر مـا هـي لفتنـي وكيـف أحسبهـا
بــس الـوكـاد بغـثـاهـا بـيـحـت ســـدي

اطـرت لـي ليـل الثلاثـه وامسيـة ابـهـا
ذاك المسـاء البغيـض الحـالـك الـنـدي

قــوم تفـتـل مــن الضـيـقـه شـواربـهـا
والحـق معهـم وانـا اللـي جـاوزا حـدي

اضعفني وضعي وانا للـي كنـت غالبهـا
وثوب الشجاعه غدى وماهو على قدي

مابيـن قصـر نعـم وش قلـت واسحبهـا
كـان الحديـث الطويـل المرهـق الجـدي

حدونـي ابعـد ولا اقـرب يـم مضاربـهـا
والحـق يركـب مـن اللـي كـان متـعـدي

اذكر حلفت وقسمـت ارحـل ولا اقربهـا
وشـلـون مــدري ولـكـن كــان ذا ردي

قفيـت عنهـا اغاصب الرجـل واسحبهــا
كـنــه بــــودي وانــــا والله مــــا ودي

ادري خذلـت الهنـوف وكنـت مغضبهـا
مـاهـو بكيـفـي زمـانـي واقــف ضــدي

غـلـبـي وقـتــي كـثــر مـاهــو مغلـبـهـا
لاهــو تـهـيـا ولا هـــو قـابــل يـهــدي

لـو هـي دموعـي تـرد الوصـل بسكبهـا
الـيـن تـجـرح وتأسمـنـي عـلـى خــدي

ميـر الـبـلا مــا تفـيـد وحــظ صاحبـهـا
مـا طـاب لحظـه ولمـن طــاب مـتـردي

خلهـا علـى الله وانـا مـن وقـت كاتبهـا
بصبر وبرجي عزومي واعتزي شـــدي

الـضـيـقـه الــلــي تقـلـبـنـي واقـلـبـهـا
يالله عسـاهـا طــواري لـيــل وتـعــدي

************

بعد سرجت مهــار الشعــر وخلــت هالقلــــم خيــــال
حروفـــن نبظهـــا فكـــــري وصدقـــن دوم يبـــراله

وثارت ثــــوره الهيجـــا علــــى المعنا تبــي مدخـال
عجـــز منهــــا الهجـــوس اللــــي بغاهـا وين مدخاله

قطـــر وانتـــي العروس اللي ولــو زان الشعــر ماطال
شموخـــك لو نــزف حرفــه حشـــى واللـــه ماطالـــه

بلاد الخيـــر وانتـــي الخيـــر نعـــم يادوحــــه الامـال
يشــــرف شاعـــرك يكتـــب ويرفــــع فيــك منزالــه

لانــك مـــن خلقك الله علـــى مـــر الزمــــن مدهـــال
رجـــــال تعشـــق العليا وفعــــل الخيــــر تعنالــــه

هاللمنكـــوس والعرضـــه وصوتــن يزعج الهوبـــال
لهـــم فــزعه ليا صــاح المنــــادي وطـــوح عقالــه

ورجالـــن بالبحـــر غاصت طربهـــا فــي صدا اليامال
تشـوف المــــوت بهـــوال الخليـــج ولاتهيالــــــــــه

حضــــر ولا بــــدو عاشـــو بـعــــزاٌ منحنـــو باذلال
حديهم بالشدايــــد صلب ويرخـــــص دونـــك عيالـه

تحـــت رايه حكيم الراي سليـــل الجـــود والافعـال
حمــــد شيـــخ الشيــوخ اللي رفيع المجــد يرقالـه

الامـــن شدت الكربــه وكثــــرت بعـدها الاقـــــول
ابـومشعـــــل ولاغيـــــره يطابــــق قولــه افعاله

تشوف الطيب في وجهه وحلمن ترتجيـــه اجيــال
وشـــــرن للعــــدا ينذر قبــــل لايــــــدك زلزالــه

كريمـــن لا عطا يعطي مثل مايعطــي الهمـــال
يـعـــم الخيـــر بدياره عساهـــا دوم تهنالــــــه

عطوفن كـــم دعا فـــي ليل يتيم ومقعد واطفال
لان مالهـم غـيره... وبعــــد ظل اللـــه اظلالــــــه

حفظك اللـــه وثــم تبقى ذخر يا مضـــرب الامثال
الا يامـــن علـــى الحسنــــى تطول وتـارد حباله

وهني ياقطر في شيخ ولو طال الزمن ما مـــــال

ابــد ما مال منـــه كـــود زيادت طيــــب بفعالـــه

***********

الله ابعونه يقدرنا على رد الجمايل

انتهـض يالشعـر وارقا بالمراقيب الـطـويلة
وارتمي فـي خافق اللي ما عشق غـيـر الجزايـل

واترك ابحور الخليل انـكان ما شاقك خليلـه
واغترف من بـحر شعري كان ودك بالبـدايـل

ودرهمي يا ركاب فكري ليلة المسرى طويلة
خابرك وان قالها الله دوم تبرين الغلايل

لا يهمك لو يطول الدرب كيلوّه .. وميله
ثم تنصي يم "هل العوجـا" مـقابيـس الفعايل

ويا سلام الله سلام مكرم ٍ بنه.. وهيله
فوحة ادلال الكويت اشيوخ .. وشعوب .. وقبايل

للديار اللي اصـطفها الله بنبوّة خليله
والملوك اللي تـعدل الحظ لامن صار مايل

ولرجال اللي لهم من عام تسعـين الجميلة
الله ابعـونه يـقدرنا على رد الـجمايل

يوم راحت ديرتي والهم عمر بي سبيله
"الفهــد" الله يبيحه وقّف المن كان عايل

كنه ابـ اذني همس يا النوم ما والله يهنيله
وفيه حي ٍ من ضنى "مــعـزي" عريبين السلايل

قوّم الدنيا وقعّدها لجل نصرة دخيلة
ثم حسمها يوم ضاع السلم في شتى الوسايل

الله ايبيحك "يا بوفيـصل" وقدرك وش يزيلـه
لو يـغـيـبك الرحيل اتعيش بالعوج النحايل

وجعل ربي يسكنك بـجنان شيخان الفضيلة
وسط فردوس الصحابة ومن تـبع لهل النفايل

وجعل ربي ايعـز "ابومتـعب" عسى اسنيـنه طويلة
درعنا اللي عن صروف الوقت لا جـاك امتهايل

منهو غيره لا طوانا الهم يـقدر يرتـكي له
فزعة المضيوم "اخو نـورة" ليا وردت صمايل

ومنهـو غيره لا عصانا الدرب ثم ضيّق سبيله
تحتوينا حكمته والشور له عنده دلايل

المليك اللي بعطفه بعد ربي نلتجي له
كاسب الناموس والطولات .. من طايل .. الـ طايل

والله ايعز السعود اعداد همال المخيلة
رددوا آمين بأمر اللي خلق نو الـمخايل

ويا سلام الله سلام مكرم ٍ بنه وهيله
والله ابعونه يـقدرنا على رد الجمايل

**********

يا حمود ما والله كتبت الشعر كيف
همٍ لجى بي قلت أعبره ببيات

شعري وانا خابره ما خلطه زيف
وما قد عصاني يوم انا قلت له هات

كنه يصرف عني الهم تصريف
والقى بحروفه طربةٍ لي وسجات

وكنه ليا هاجت بصدري عواصيف
يقطع بي أميال الفكر والمسافات

مجنون يرقى بالضلوع المهاديف
صاحي وله في عالم العقل بصمات

سهلٍ صعب به جد وانوع تخريف
لين وقاسي ولا حصل فيه ميلات

لا ما تكلف في حروفه تكاليف
يجيبها وتجي على كيف ماجات

أيه والله اني عارفه دون تعريف
خديم روحي بالشقا والمسرات

كم مرةٍ زرته من الضيق و الحيف
وكم زارني مره ومره ومرات

يا حمود ما والله كتبت الشعر كيف
الشعر يكتبني ليّا قلت له هات

**********

يابــوفـهـد مـــاهي بلحيــة سهــالات ..

الوضع متدهور عسى ربنــا يعيـن ..

حــاولت اعديهــا وعيــت ولا جــات ..

لاهي مشــت حتــى ولا فـــالهـــا زيــن ..

الحــال ضنــكــه والشعـــر عشـــرة أبيــات ..

وبيــت كتـبــتــه وبيــت متسلفـــه ديــن ..

الديــن من كـــيــــســي ولا بــه جــمــآلات ..

يعنــي اثـنـعـش مــن غيــر حـسـبـــه وتـخــمــيـن ..

لــن القــصــيــدة شــرح مـــوجــز عـن الآت ..

ســاحة شعــر ويــمــيــن .. ويســـار .. ويـمـيــن ..

يعنــي حـكــي فــاضـي ولــعــبــة مــجـــلات ..

الصــدق بـه مـــأخــوذ ومــشــآهـدة شـيــن ..

صـفــحــآت فيــهــآ نجـوم ..! مــدري مجـــرآت !!

فــريـــس حـــرف وكــلـــبــــوهــم ســـــــلاطيــن ..

وحــــروب وتـــروس الــوغــى ولــحــق غــــــآرات ..

يــآلـلـه ســـــتـــــــرك جـنـنـونــآ المـجـــــــــآنيــن ..

وقصــــــآيــد بالحـــب عـــجـــــت بــلاهـــآت ..

والــلــي فـــقـــــــد ذوده قـــبــــل عــــــآم سـتــيـن ..

وأنــآ .. وأنـــآ .. ومهـــــــآيـط لـلـســـمــــآوآت ..

وأفـــــــعـــــــــآل بــالأوراق "لــكــن علــى ميــن"؟!

" نــوآف " واســـمـــعــنــي يـــآخــوك انــت بـــالذآت ..

بـيــت بقـــــــــــولــه لــو يـــزعــل مـــــــــــــلايــيـن ..

"لــو الشـــــــــــعــــــــــر يـصـنــع رجــــــــآل المــروآت ..

مـــآ كـــآن كــتـــبـــتـــه " النســـاء .. والـبــزآريـــن "

***********

مــن لفـى علم الجزائرامتــــزج لــون الكأبــــه
فـي عيونـي ليــن صــار العلــم اكثر من اكيـد

يرحــم الله مــن توفـىوافجــع النــاس بغيابـه
والحــزن في ذمتــي ما اختــص فـــي الرشيـد

كل نفس تعشــق العليــا وقولـــت مرحبـــا بــه
تذرف دمـــوع المفـــارق فيــك يا اغلـــى فقيد

والله ان الشعــر يعجـز في حروفـــه والكتابه
ماوصـــف هماً تزاحــم ثم جـرى وسط الوريـــد

غبــت ياسيــف الطنايا ومركــزالجود ونصبــه
غبـت لا ما غبـت غــاب الفجــر والله الشهيــــد

جعــل ربــي يسكنــك جنات عــدنً والصحابه
بيـــن صديــق الرسالـــه وبيــن خالدبن الوليـد

وجعــل ربـي يسعـدك بالقبر ويجعلك برحابـه
وحـده الغفـار والمنجـــي وذو العـــرش المجيد

ويالله الرحمـــن عينـــه في سؤالك والاجابــه
وطهـــره مــن كــل ذنباً مثــل مولــود جديــد

ولا نقـــول الا رضيــنا بحكــم خلاقاً نهابــــه
ومن يموت من دون نفسه صار بأذن الله شهيد

والبقـــاء بنواف جعـــل اللـــه يخليـــه لشبابه
ومن يخـلف ما يموت وهذاوهــو العلــم الاكيـد

***********

على ذكر اللي نزل كتابه للنبي داود

ونجّا موسى من فرعون بعد ما غرق وأعوانه

اببدى والقصيده توّها في أول العنقود

مثل نبتٍ زهي طلعه عيون الناس بأغصانه

وأنا رجلٍ أخاف الله واعرف العيب والمنقود

ولانى من كذب كذبه وصدقها على ألسانه

غشيمٍ لاهرج جاب السوالف صِدقها مفقود

وناخذها على منهج ايا دانه ويادانه

نخيتك وأن نخيتك يا قصيدي كنك البارود

تجيني بفزعتك ثاير وتنصاني بأخو فلانه

أبي لا ضاقت الدنيا بعيني والليالي سود

تبدد ضيقتي بقافك وسج بروعة ألحانك

وبشكي لك زمن جاحد وحنا قسمنا المجحود

زمن ضيع خطاوينا وصار الزيف عنوانه

زمن فيه الشجاع ايهاب ودربه بالشقى موعود

زمن فيه العزيز يذل ويكثر فيه حقرانه

زمن خلا ضعيف النفس واللي ما وراهم فود

تعلوا في مراتبها وصاروا بأول الخانه

جهل نرسم أمانينا حرارٍ ما تعرف اقيود

وحنا ما بنا واحد سلم من ظلم سجانه

وعبث تكتب مشاعرنا قصايد والعنى مولود

ربى داخل محاجرنا وصرنا نعشق احزانه

قضينا عمرنا نتعب نبي قولت لبن مردود

نعيش احلامنا بدنيا بها الأحلام خوانه

حدينا ما يبات الليل وجاره يشكتي مهبود

يرد الظلم للظالم لو أنه أقرب اخوانه

واذا صار الأمل دايم على حبل الرجا معقود

دعينا ربنا يلطف بحال الوقت سبحانه

***********

يا فؤادي لا تسلهم يا فؤادي
دام دمعك جند واحزانك سرايا

انكسرت وما سلم حتى زنادي
كيف أثور وما بقى فيني بقايا

استمعت الصمت بأنفاسي ينادي
كن صمتي بوح وعيوني مرايا

التمست من الزمن نسيان هادي
ولا وعيت الا وأنا جروحي عرايا

ويا سهادي وين وصلني عنادي
ليه أكابر وانفي الجرح بزوايا

وليه أقول ان ما حصلي شي عادي
والحزن يغتال صدري والحنايا

ما هقيت الوقت يخدعني برشادي
ولا هقيت القمح يتنكر رحايا

ولا هقيت ان هقوتي خانت مرادي
لين يدي خطت بحبرب رثايا

************

يــــــــــــــــــــــــتبع..

..

الليله الليه نبي نفتح الباب
يعني بسولف واكثر الناس دارين

سوالفٍ علمو بها اقراب واجناب
ماهي سياسه يعني بين بينين

دامي بديرة عدل ماني بمرتاب
والشكر للي رابط الحكم بالدين

ولا يقطع الارقاب سوا رب ما غاب
اللي خلق لي عين .. و من هالجهة عين

حنا إبتلشنا بين صادق وكذاب
وإشاعه تمشي ولا ادري على وين

ضعنا وتهنا بين مجلس ونواب
مابين طاح الدين .. وماطاح هالدين

عضوٍ يهدي وعضو منهد طلاب
هذاك طيب وهذا والله مليعين

وعضوٍ يهدد والهدف كسب الاعجاب
وعضو محبة ديرته بين قوسين

والا الحكومه لنسبت وسط هالناب
حلت وزارة مالها كود شهرين

والدعوه ضاعت بين صيحات وسباب
وحنا انفقرنا ولا جنينا ملايين

هم المواطن بس تكسير الحساب
والقسط يذبح لا وصل حد تسعين

(( فهد )) يبي لعبه و (( شيمه )) تبي كتاب
و (( هلآ )) طولت وقصرن الفساتين

والراتب الماخوذ عشرة الشهر ذاب
طار وتبخر ما بقى منه قرشين

غير العنا تزاحمت ذيك الاسباب
حوايجٍ خلت لها البال بالين

وشفيها يعني لفتحو كم دولاب
من خزنة الدوله وعسى ربنا يعين

حنا أحق من الاجانب والاغراب
والشعب طيب وانتو أصل الكريمين

بس بصراحه لو شعر عارضي شاب
هذا البلد عندي بكل البلادين

فيه بركة والخير به حيل جذاب
والطيبه بأهله ما تبدل بثنتين

يالله طلبتك وانت لي خير طلاب
تحفظ بلدنا ورددوا بقول آمين

ولا جيت يم الحق محتاج لإعراب
بقول انا الزبده وابي تسمعوا زين

حنا عشقنا كويتنا سيف وتراب
من قبل يظهر نفطها والبلايين

وآل صبآح من دونهم ترخص ارقاب
سآكن غلاهم دمنا والشرايين

واذا فتحنا باب بنسكر ابواب
والشعر احرف ويتدون عناوين

وهذي سوالف قالها اقراب واجناب
ماهي سياسه يعني ما بين بينين

********

صباح الورد والعنبر وريح العود والريحان
صباح احلا من الدنيا ليا طابت لياليها

صباح الطله الحلوه وغره تشغل الحيران
تداعب خدك الناعم وتغري ناظري فيها

حبيبي شعرك الثاير عجز في رسمه الفنان
يحاول يرسم اخصاله ولكن من يضاهيها

حبيبي ياهنا عمري اذوب بطرفك النعسان
واهيم بعالم اهدابك وتتعبني موانيها

جمالك صعب تفسيره وصعب يدركه انسان
حشى ماشفت انا مثلك بهالدنيا ومافيها

ملكني بالهوى حسنك وطبعك يااعذب الخلان
ولك دايم بنات الفكر اسرحها وضويها

يلوموني على حبك واقول ن لامني غلطان
الايالايمي لحظه قبل كلمتك تبديها

قبل لاتنهي حكمك ويظهر بالحكم نقصان
تكرم ناظر عيونه تمعن في معانيها

وابيك تناظر واشفاته وصبح يعتلي الحجان
واذا شفته مشى مقفي بهالشارب تروح فيها

*********

كلمتك عدت بكيفي لاتحسبنها شطاره !!
=والله اني مانويت اجازي السيه.. بسيه

ولانويت اقسا عليك وانت ماعندك جساره=
=وش لك اتكثر حطبها دام مالك مقدريه؟؟

من عرفت العلم واسمع بالخبل هرجه دماره=
=وانت خليت المقوله ثابته ميه في ابـ ميه

ليتك اللي ماتكلم واحتفظ بقصى قراره=
=ولافتشت علومك اللي عرضتك المهمهيه

ايه شبت نارها والنار مبداها شراره=
=وانت مثل اللي تهبد جوفها والنار حيه

عندنا للخبل منها ميسم(ن) ينطق حراره=
=نلحق بعلباه كيه ولاصرخ زدنا.. بكيه

ان صحا نفرح ابشوفه .. وان غدا..ماهي خساره=
=ماهو بغلا طروش جدي وروحة(ن) من غير جيه

بس انا عندي نصيحه خذها من باب (الاعاره)=
=لا تعزوا دام مالك لاشداد .. ولامطيه

جيت يمي بالقشر وابلاك ربي بالقشاره=
=والا انا مرضى الاهانه لاعليك ولاعليه

حاشم(ن) نفسي وحشم اللي حشمني في وقاره=
=واحد(ن) لاجاك فازع ياسعد منهو خويه

واحد(ن) حافظ مقامه ولا إلتفت في بنت جاره=
=وان نصيته بالحذيه قال تبشر بالعطيه

ذاك لو تعطي يمينه مادرت عنها يساره=
=اجودي(ن) مايجالس كود ناس(ن) اجوديه

كل رجل وله ميول .. وكل نجم(ن) له مداره=
=وكل سيف(ن) له جفيره من عصور الجاهليه

والرجال اشكال وادري عرفهم مثل التجاره=
=بعضهم يغ*** عرفه .. وبعضهم لارحم حيه

والزمن نفس الزمان ولاتغير في مساره=
=الاوادم هي تغير طبعها صبح .. وعشيه.!!

بس انا باخر كلامي بختم ابـ هاذي العباره=
=(الاصابع في يدينا لاحشى ماهي سويه

*********

المزاج اليوم عال وفللي
رايقن بالي وجوي معتلي

بس كذا يعني لزوم الانبساط
انت يا((عايد))بصوتلك ((علي))

لاتجادلني ولاتزيد الملام
احمد الله مادعيتك((فرغلي))

ياولد هالدعوه خربانه معي
يعني لاتنقد ولاتشره علي

ودي أضرب كل شي عضن بطول
واترك المنكوس وهوبالت هلي

ثم بوجهها على الشعر الفصيح
بشتويه احيان واجيانآ قلي

اقترب ببدا ثم خلك معي
من بعد هالشطر دقق مدخلي

((لي قتاة عذبتني بالهوى
لم تزينها الاساور والحلي

بل هي من زينت تبر الجبال
صاغها من هو بعرش معتلي

قد رأيت منها السبع العجاب
ان مشت مالت غصون السنبلي

طرفها يخطر اليك بالهلاك
ان تداعت بالحرير القاتلي

((ورعة مامثلها عليني رأت))
((امحقت قلبي وجسمي ناحلي))
ورعة مع امحقت هذي لنا
لعنبو هالعرق يصلاني صلي

قلت ابسلك ومير ماسلكت وانا
مبتلي نفسي ولاني مبتلي

قرد حظي كان شعري ماذكرت
القصايد مااتعدى منزلي

ويابري حالي من حروف السكون
والمأخوذ الجر وابن الدؤلي

كلمتين وكني داخل في جهاد
ناشفن ريقي وحالي امبهدلي

لين طالت ياعساها للذهاب
ونكتم صدري بعد ماهو خلي

((عايد))اسمع طالبك انسى القصيد
واللي قلته لايحط بفايلي

ارم ماقلته ورا ظهرك وكاد
والسموحه منك لاتنقد علي

********

برنس لكن فقير وما معاي فلوس
لكن حياتي على ما قيل مستوره

مادام مالي بقاع الدين درب ودوس
ماهمني لو يضيق الوقت في جوره

فواز وينك وانا بك قد وطيت نفوس
مرضى بساحة شعر ونفوس مغروره

اقرب ومثلك بقربه به روس
واسمع حكاية خفوق تلته.. وره

بنت تحب القصيد وتلعب المنكوس
علما بأنها تعفس الوزن وبحوره

مرة تجيده وبعض احيان تحوسه حوس
واليا انشدتني اقول.. الله شطوره

علمتها من دروس الحب ياوي دروس
وشلون تملك هوا الخفاق وشعوره

وهي علمتني اعرف اللي ورا الكالوس
وشلون تقطف يدي طلعه مع زهوره

غنجة.. وورعة.. ومشيتها كما الطاووس
ريحة شذاها تدوربي مية دوره

مذكر في مرة جلسنا جونا معكوس
دايم رياض المشاعر فيها ممطوره

اثمل ولاني من اللي يصقعون الكوس
اليا نظرت النحر ها وضيقة ازروره

واليا احتواني دفاها واعتلى الناموس
اشعر بأني ملكت الكون وبحوره

لا يابعد شوفت النمام.. والدنفوس
اللي يحبك لجل حاجات معثوره

لاجاك فسر بذرعانه وخمك بوس
خشمك! وعينك! وراسك! بيتك! وسوره

يضحك في وجهك وفي ظهرك يحد الموس
لحم الاوادم ابد مافك حنجوره

يالله عفوك عسى مالي معاه جلوس
والنفس ماهي على شرواه مجبوره

والضرس لامن بلاه الله بنخر السوس
يشلع ولابه دواعي تشور دكتوره

*********

لا تعاتبنــي دخيلك انتهــى وقــــــت العتــــــاب
دام ما للحــــب قيمــــه ويش لـه نعيـــد ونزيـــــد

ودامــك اللـــي للخطايا مشــــرعٍ عشريــــن باب
العتــــب ما ظــــن يقــــدم لا ولا حتــــى يفيـــــد

مــــن هويتــــك وكنـــي الظامي ويتبع له سراب
لا اقتــــرب يمـــه تلاشــى وابتعـــد عنـــه بعيـــد

حايــــرٍ تاه بدروبـــــك ولا نقــــل غيــــر الصواب
كـــــم نــــزفه الشــوق لجلك وللأسف قلبك جليــد

وكـــم تعثــــر به سؤالـــي ولا لقــــى منك جـواب
غيــــر جورك والتجنــــي ما جنــــى شيٍ جديـــد

اشهــــد ان الحـــب كافر وأكثــــر أيامــــه عذاب
لا غـــدى منهــــو تحبــــه قاســــيٍ رايـــه عنيــد

وعشـــــرةٍ فيهــــا مذلــه يا عساها للذهـــــــاب
ليتهــــا تفنــــى وتبقــــى عــزةٍ عــــيت تبيــــد

لجـــل لـــو حتــى طرى لي وصلكم قلت الغيـــاب
ولا اعتــــزمت إلا رحيلـــــــي والشديـــــــــــــــد

بتـــــركك يا حــــب عيّا ينجلـــــي عنـــه الضباب
أيــــه نعــــم هـــذا قراري وانتهـــى قدرك أكيد

وكان قصــــدك فـــي مجيك تفتح أبواب العتــاب
أنصحـــــك وفــــر كلامــــك لا تعيـــد ولا تزيـــــد

********

تمهل قبل لا ترحل .. و خذ معك السهر يـآ صــآح
و نـــوحٍ مــآ طوى ياسي.. وقصيـــدٍ ملَّه الدفتر

عســـآي ليا ابتعد زولك أطيب وخـآطري يرتآح
و أقول : ان الزمن وفىَّ..و لو ان الزمن قصَّــر

تعبت أضحك على نفسي وأقول : الهم عني زاح
و تعبت ابحث عن الحلم الكبير اللي بك تكسر

و تعبت أداري احسـآسك و ظلمك دآخلي يجتآح
سلب ابسط طموحاتي و أقول تهون.. وأتصبر

ولكن ما نفع صبري .. وحظي لو رفعته طاح
و عرفت انك نهـآية حب .. ودرب للشقى أغبر

و عرفت انك ليا منك خطيت تطري المروآح
وخطاي اني ليا منك خطيت اجيك واتعذر

افـــآ والله حبيبي ما هقيتك تنكر اللي راح
ولا ظنيت في لحظه يجي لك يوم و تتنكر

حسبتك ليا ارتطم موج الفراق و ضيَّع الملاح
تكون بعينه المرسى .. ولـــكن كنت تتكبر

حسافه يا السنين اللي قضيناها حزن و أفراح
ابد ما مرت ببالك ولا حبيت تتذكر

واذا هذي نهايتنا ابشعل للجفـــآ مصبـــآح
و ببقـــى الشـــآمخ اللي ما نكر ذاته ولا تغير

و لكــن .. قبل لا ترحل اخذ معك السهر يـآ صــآح
و نـــوحٍ مــآ طوى ياسي.. وقصيـــدٍ ملَّه الدفتر

**********

لاصار طاري الفراق ايهون بلسانك
وفي كل كلمه تهددني على الفاضي

با اعز نفسي ويكفي بس حقرانك
يعني توكل وانا في قسمتي راضي

ياكبر شاني مثل ماهو بعد شانك
غرك سكوتي وانا والله متغاضي

ابلشت عمرك وصرت اليوم بلشانك
ماانته بقاضي ولاني ابقاضي

ان كان به ود لاتبخل بهتانك
تعبت اخايل بعيد البرق لاناضي

لاهل مزنه ولاطرفت بيبانك
والقلب زود عذابه جمرك الاضي

وان كان ودك بقطع الوصل او كانك
اصمل وكب العلوم ادقاق وعراضي

يعني بلاها ولا ارجي صك غفرانك
تصبح وانا اصبح حبايب من زمن الماضي

ماني بعابل همومك وارجي احسانك
للكل قسمه وانا قسمتي راضي

ولاعاد تطري فراقي دوم بلسانك
تعبت اشوفك تهددني على الفاضي

*********

الـــســـهـر والنــــوح وحــــروف القــــصـــــيد
هــــم زهـابي لنتـــشى فـيــــك الخــــــــــــيال

إن ضحـــــكت الدمــــــع بعـــــــــيـــــــوني يـزيد
وإن سـليــــــت الهــــم لوحـــلي ..تـــــعـــــــــال

وإن غـفـــيت أغـفى على جـــــرح جــــديـــــــد
وإن وعــــيت أشوووف قــــربكـ لـــــي محــــــال

تــاهـــت الخـطوهـ عـــــــلى الـــــدرب البعيــــد
والمشاعــــر هـــــمـــــــها ذاك الــــــــــــــسؤال

هـــــــو صحــــيح اللــــي مضــــى يــــرجع يعيد
وتــــرجــــع أيــــام المــــحبــــه والوصــــــــال

ولــــــــو صحيح الحــــــــب بــــه عبد وســــيد
أنت سيدي وانتي عمــــي والخــــــــــــــــوال

صــــاحبــــــــي يااقــــــــرب من عــــروق الوريد
خــــذ حــــياتــــي كــــلها بيــــدكـ حــــــــلااال

والــــــــسهر والنــــــــوح وحــــــــروف القصيد
خــــلهم للــــــــي عــــــــشق حــــــــلم وخياااال

********

ســـلام الله علـــي خـــلٍ خليلٍ خـــلا خلانــــــــــه
وأنا عقــــــب الخيانـــــه خايــــن الخلان خليتـــه

وسكــــن عقـــب الغــلا غلٍ تغلغل والتغى شانـه
وهــــو اللي بغـــلا علل ايديني ليـــت ما غليتـــه

وشكيــت وشكوتـــي شكٍ شبك والـروح بلشانـه
بشـــوقٍ شاقنــي واشقي شروش القلب وأشقيته

تزلــــــزل حبــــه وزلـــزل زلالــــه يوم مــا صانـه
وزال الحـــــــب مـــن زلـــه كبيـــره ثـــم زليتـــه

وهيقـــت إنــــي قويت انسى غرامٍ صعب نسيانه
ولكن بنسى وأتناسى وأقـــول إنــــي تناسيته

كفايــــة ياهوى يكفـــي كفنـــت القلـــب بكفانه
وكفك ماكفف دمــــــــعٍ كثيــــف منــــك هليتـــه

سلام الله علــــــي خــــلٍ خليــــلٍ خــــلا خلانــــه
وأنا عقـــــب الخيانــــه خايــــن الخـــلان خليتــه

**********

ياغرير غرتك نفسك وضيعك الغرور
تحسب انك في جمالك كل شئ تقدرة

تحسب ان الناس مثلك همهاحب الظهور
ولا حسبت حساب قلب كم تمنى تجبره

صورك ربي بزينك ثم سلب منك الشعور
ولا عطاك من المشاعر لا ولا حتى اشعره

قاسي بالحيل قلبك جاوز حدود الفجور
والغدر اسمى صفاتة ليت ربي يقهره

مارحم منهو بنى لك بالحشى صرح وقصور
عاشق سلَمك روحه ليتك اللي تذكره

عاشق وان غاب زولك لحظة عنده شهور
وتظلم الدنيا بعينه ولا لقى من ينصره

اي وحياتك يشاطر باجر الدنيا تدور
ترتجي مني سماحي والعفو والمغفره

وتحلف برب يعلم الغيب واللي بالصدور
انك تصون المحبه والعهد ماتنكره

لاكن ابعد من مرادك اقبل الحلفان زور
خابرك تحلف وحلفك في يديك تبعثره

جملة حطها في ذهنك تختصر كل السطور
وانت خابرني وراسي ما يحب الشوشره

استمع معنى كلامي ولايجي بسمعك فتور
لاتظن مره بخيالك تلعب بفلبي مره

*********

ياوجودي كل ماجا الليل وانسام البراد

لحظه وقف لاتكمل لاتقول ولاتعيد

الشعر هذا تخلف راح مع عصر الرماد

وانت جاي اليوم تفتح باب ملغي من جديد

انفض افكارك تطور واترك الجهل المباد

يعني افهم وش بقوله باختصار لك مفيد

تدري وش معنى الحداثه ان تكون الكاف صاد

ان يكون المعنى مبهم يخلو من شي مفيد

قلت فكره باقتنصها ببتدي في حرف ضاد

ليه مدري ضاد لكن حرف ع الساحه جديد

ضرس دفتر نار عايد كوخ اكبر من بلاد

شر وارد عود جاحد هرن مزعج له وقيد

شي مدري فوق مدري روح تخرج من جماد

شمس شارع ليل خيزه يالربع هذا قصيد

هيه ياللي تتهمني بالتخلف والعناد

والله ياتهمتك هذي كنها بشرات عيد

لعنبو غيرك تمعن وناظر بنظره حياد

والله مايقبل قصيدك لا هبيل ولا بليد

قلبوها شقلبوها عرضوها للحماد

يامسطرة الحداثه حلو عن راسي بعيد

ابعدو عني بهيجن واتوجد والقناد

ريحه ذاد توارا سلسله لاعذب نشيد

وانت ياغرو ٍ تمكن من حشاشات الفؤاد

لين صار القلب عبدك وانت له عم و سيد

هذا وانت بالعمر توك ماتجاوزت الرشاد

كيف لاكبرت سنينك والمكرعندك يزيد

من دلع حتى وبيك بس تناديله ياداد

لادمعت عينك رهن بيته ووفرلك رصيد

ولا انا من جيت للدنيا ومن بعد المهاد

صاحت عجوزي قم ياجعلك ماتفيد

ماسهرت عينك وجفنك ماعرف طعم السهاد

مترف ربي بسطلك كل مابالك يريد

ان مشى اقعد اتم تم هاد هاد هاد هاد

من غنجك حتى خطاتك كنها وسط قيد

باب بيتك لو تعبره صاحلك ارحم ياواد

والشبابيك اتهامس هو كذا طبعه عنيد

لب عينك ولب خدك ولب مزقول السواد

ولب عناب يضم الشهد وحبات الجليد

تدري ايدي لو تلامس بشرتك تدمى وكاد

لان ايدك انت ايد وايدي انا ماهي ايد

هو كذا ربي فرقنا بس جمعنا بالمراد

يعني اعشق شوف طرفك وانت مثلي ذا اكيد

طاغي فيك بصفاتك زينك رب العباد

حلم واصبحلي حقيقه دون كالعالم زهيد

كل من مر ونظرنا جالسين بانفراد

قام يشر في بنانه هاهو الشخص السعيد

اعشقك والعشق يذبح وانت بيديك الزناد

ان بغيت تدمرلي حالي وان بغيت احيا رغيد

وياوجودي كل ماجا الليل وانسام البراد

وقد من شافك ولا له غير نظره من بعيد

**********

يــــــــــــــــــــــــــــــــتـبـع..

..

مل قلب ٍ تايه ٍ له في هوى رعبوبه
فاخة ٍ عمر الشباب مذنب ٍ ماتابي

بالشه ربي بنفسه ثم عشق له عوبه
مالها جدٍ عريب وهافية الانسابي

ورعة ٍ تلعب بقلبه كنه اللعبوبه
خف من بعد الرزانه والهوى غلابي

ان لفوه اهل النصيحه فز ينفض ثوبه
قدم الاعذار دونه واختلق الاسبابي

وانت ياللي في حياتي غادي ٍ لي عقوبه
ليه تقسى في غرامك وانت والله ادرابي

نوبة ٍ تجفى وترجع تبتسم لي نوبه
مدخلك بالله تعلل وشهو وضع اعرابي

عيشتي من يوم عرفك كلها مقلوبه
لو بحسبها وبجمع وش يفيد حسابي

كل شخص ٍ في حياته عايش ٍ بسلوبه
وانت بسلوبك تصنف ياعناي ارهابي

الله اكبر يالغرام شلون خضنا دروبه
مثل عميان الفراش وغره الشبابي

توبة ٍ يالعشق منك توبة ٍ ثم توبه
والله الغفار يدمح زلتي بكتابي

**********

مشكور ماقصرت لكن طالبك ماعاد أبى
غير الرحيل أستأذنك وسبوق قلبى فلها

ماعدت قاوى للحمل شف كيف غاد(ن) منكبى
هزل(ن) ولكن طعنتك لابد ما تفطن لها

ياكم عطيت ولا خذيت الا مرارة مشربى
عقدت أيدينى من هواك ولا عرفت أحلها

يا منيتى مانى غبى هالطيب خلانى غبى
أغض عينى لغلطتك ولا حرام أدبلها

أجرعك مر القسى والله ماتحبى حبى
لكن شمت من الردا والنفس تحمل غلها

مذهب صدوق ومذهبك لاشك خالف مذهبى
والعوسجه قشرا ولا ذكرت بوافر ظلها

وياربعنا روحو ورى النار شبت وحطبى
عصارة أفكارالمخيخ وأشياء كثيره ملها

أتلد بعيونى غضب تزهمنى بأفلح يا صبى
وتثور وتزوع اللهب وأعتا السيوف تسلها

( فواز ) يا حزامى تعال أسمع وحقق مطلبى
والكايده خابرك دايم بالوزا كفو(ن) لها

أفزع معى فزعت شجاع(ن) يعربى لليعربى
فى وقت ذلان العرب تشكى مرارة ذلها

باكب شعر(ن) ماجنى غير العنا ويا تعبى
واليا أنحنى عزمى ياخوك أثقل همومى أشتلها

أربكت لكن للاسف مادسم الوقت شنبى
تمنعنى شيمة شايب(ن) كن الضلوع أحتلها

غايب ولكن حاظر(ن) ذكراه يحيابى وبى
من عالى شموخه همم ماتنثنى عن حلها

يالله سترك لا يبيد الجبل وتخر أركبى
قدام من يفرح على زله من قبل أزلها

ياخوك مايجرح سوى من يدبى لكسرك دبى
أرجال لكن طبعها تخجل توصف دلها

ودك أتبدل شمغها بشيال ورهاف العبى
تحرم عليها عقلها وأشنابها عارن لها

(فواز ) والدنيا متاع ولا دامت لوجه النبى
شف كيف هذا يتلها وشف كيف هذا يتلها

كلن يبيها والبلا هذا يبى وهذا يبى
ويقول يالله يا علها وأقول يالله علها

أنحاس مثل الذهب منسوخ مابله كوبى
مغشوش واللى له عنا خسران من دهولها

هبيت يا وجه الزمن اى والله الوالى تهبى
فيك القلوب الوافيه تشكى سبايب قلها

أستغفر الله والقصيد أحيان ينتاب غضبى
لكنه يروى يابسات الأورده ويبلها

وأستغفر الله دام الاستغفار وحده مهربى
أن كان زليت القدم فى قاع ماهى محلها

**********

ياناصر المجنون خب المطيه
وأنا رديفك يا أبن عمى ولك سيف

لا بارك الله برجل مابه حميه
من مركز القوه يجى عزمه ضعيف

البارحه و البارحه سرمديه
تقفى بى الأفكار شرد ومناكيف

هيفية الهوجاس أضحت قويه
تهيف بى وأهيف ..وتهيف وأهيف

نوب(ن) تحط بذيك ونوب(ن) بذيه
فى سهلهٍ ولا بروس المشاريف

لكن عليك الله وجاهة نبيه
ياصاحبي وأن كان مابه تصاريف

وأنا بدوى(ن) لا تضايق خويه
أسوق عمرى للمهالك ولا أعيف

وأشيش لامن شفت نجد العديه
وأخاف.. من قولة حكومه وتوقيف

بس البلا لامن بلتنى بليه
من دون ماجوبى وحد المراهيف

أبيح جرمى وأقترفه بأيديه
وأقول جملنى ياربى على الحيف

طبع ٍ توارثته بجينات حيه
لا شك ما والم حياة التناتف

أجسر على حلو الزمان ورديه
ولا همنى من يجمع المال بجنيف

وذلحين يا المجنون خب المطيه
وأنا رديفك يا أبو دغيم ولك سيف

ولا بارك الله برجل مابه حميه
ومن مركز القوه يجى عزمه ضعيف

********

بديــت بسم الي علــيه التــواكيل ..

الواحــد المعــبود قايـد رجـاهــا ..

ولعت بالطـــاروق وعجبني القيل

ابيات شعرٍ تعجـــب الي قراهـا ..

يا بوهلا شوفي تردى مع الحيل ..

وازريت أميز أرضها من سماهـا ..

دنيا كفا الله شرهـا و الغرابــيل ..

لا ما ربح منهو تعنى وشـراهـا ..

ياما وطـت بقدامــها من رجاجيـل ..

داستهم الدنيا وقـــــفَـت وراهـا ..

وياما خذت بشنابها من مشاكيل..

خذتهم الدنيا وتنهض عــصاهـا ..

متحيزمه للناس جيلٍ بعد جــيـل ..

متحيزمه للخلق تطحن رحــاهـا ..

وين النشـاما وين دقـت الهيــــل ..

ريف الركاب اللي يتواكف حفاها ..

لا من طرالي ذكرهم و التعالـيل ..

تزايدن عبرات عيني ومــاهــا ..

وصلاة ربي عد وبل الهــمايل ..

على نبيٍ بالهدايـه جـداهــا ..

**********

تدري ان الطيش ملح الحب كله
خص لامن صار ممزوج بحماقه

لوتجرب تدري هرجي في محله
وش خذينا من تصرفنا بلباقه

الجنون احيان يبري الف عله
لو بعدنا العقل وخالفنا سياقه

موضروري نتركه مره ونفله
عالأقل شوي بنضيق نطاقه

كان شفنا الشوك ياسمينه وفله
والهجير امطار سالت بإندفاقه

والحزن فرحه زمان مسفهله
ابتسامة طفل تهدا وسط باقه

خل خوفك هالمسار وحدي ادله
لاتهوجس في عواقب الانزلاقه

انت عزم واترك اطبوع ممله
والطريق اسهود مابه اي اعاقه

هاه وش رايك بعد ماقلت كله
ودك انجرب نطيشها بحماقه

بعدها تحكم كلامي في محله
او نرد انحب غصب في لباقه

********

ماكــــنت ابيهــــــا تصيــــــــــر واليـــــــــوم صــــــــــارت
هاللحظــــــه هــــــــــذي ماتمنيتهـــــــــــا تصيــــــــــــــر

اوادعــــــك واشــــــــوف دمعتــــــــك حـــــــــــــــــــــارت
واهمــــــــــس لك بحســــــــــره اشوفـــــك علــــى خيـــر

لاتلومنــــــــي باللـــــــــــه دنيــــــــــــــــــاي جــــــــارت
وظروفـــــــي اقســـــــى مـــــن حــــــروف المعاذيــــــــر

حتــــــــى ظنونــــــــي فــــــي بعض الاصحـــــاب بــارت
واللــــــي حسبتــــــه ذخــــــر فــــــي الواقـــــع { صغير}

احلامنـــــــــــــــــا والطيــــــــش عنـــــــــــا تـــــــــوارت
طعـــــــــم الحقيقــــــــه مـــــــر وانفاسهـــــــــا غيــــــــر

وماللهـــــــــــــوى بعــــــــــــزوم للـــــــــود ثـــــــــــارت
شـــــــــرهه مـــــــــــدام الـــــــــوقت مالــــــــه تدابيـــــر

وماكـــــــــــنت ابيهـــــــــا تصيــــــر واليــــــوم صـــارت
اودعــــــــــــــك { واشــــــــــوف وجهـــــــك علــى خيـر }

*******

على كف القدر والحب ظامي والرجا حيران
على كف الزمن ضاعت سنيني مع لياليها

تضيع بداخلي بسمه ويظهر للشقا عنوان
واذا بانت بوادرها عذاب الهجر يخفيها

واحس ان الجفا يمشي بدمي داخل الشريان
يعذبني..يسهرني..ليالي مر حاليــــــــــها

عجزت ولابقابي حيل وانفاس الوصل هجران
تعبت اسأل ليال الصمت جروحي كيف أواديها؟

تجاوبني ليال الصمت وتحرق قلبي الهيمان
تقول:شموع امالك حلفت اني لطفيها

مدام انك على دربي ابعطيك العذاب الوان
وازيد جراحك بصدرك ولا لك من يشافيها

ياليت اقوى ولو لحظه اسلي خاطري بنسيان
الم جروحي واهاتي من الدنيا وبلاويها

نخيتك ياامل ضايع نخيتك تطوي الحرمان
نخيتك ترسم الفرحه على حزني وترضيها

والا يالله يارازق عبادك يارفيع الشان
تفرح قلبي الملهوف قبل مااروح تنهيها

*********

أيا حمام الدوح يا ساكن الدوح
لاوهنيـــك كل ماضـــقت ترقــا

وأنا عليك أشكي علي غير مصلوح
والعين ماجفــت لها أيام غرقـــا

تنوح لي وأنوح..وتنوح.. وأنوح!
لكن بين النوح.. والنوح فـــرقــــا

نـوحك طرب ماصيدك هموم وجروح
وأنوح لك مونس من الجاش حرقا

يهيم بي حزني وأنا هالك الروح
والهم يطرقني على كل طرقا

ماقلت مسموح ولا هو بمسموح
لاشك خاواني ولا منه فرقا

**********

بــدري حبيبـــي تعال اجلـــس هنـــــا اقبــــالي
ودي أملّــــي عيونـــــي وخاطري بشوفــــــك

أجلــــس يا دوبـــك وصــــار الوقـــت يهنالــــي
مــــدام سمحـــــت لك الأيـــــــام وظروفـــــــــك

ياما وياما سهــــــرت الليـــــــل ياالغالــــــــــي
ارســــم خيالــــك واعانـــــــق بالهــــوى طيوفك

واكــــتب قصايـــــد نثرها الشــــوق فـــي بالـي
وأفــــرح إذا ما زهاها حـــــرف بحروفــــــــك

تبغـــــى الصراحـــه .. احبــك يا بعـــــد حالــــي
وعقلــــــي سلبتــــــه وقلبــــي صــــار ملهوفك

ما يـــــوم والله أطاوع فيـــــــك عذالــــــــــــي
لــــو هم يقولون جروحـــي بسبــــــــت سيوفك

تبـــرى جروحـــــي وأحـــــس الكــــــون يصفالي
لا صــــــرت يمــــي وكفــــي لامـــــس أكفوفك

بــــدري حبيبــــي تعالـــــي وخلك اقبالـــــــــي
وبالله كمـــــــل علــــــي اليـــــــوم معروفــــــك

********

وان كنت في مره خطيت........

قبلي تماديت بخطاك............

ولاقلت الا مسامحك................

وترد في نفس الخطا...... !!

وارجع و اقول امسامحك......

..........واسااااااامحك..

وانزفلك احساسي شعر...........

واجمعلك اعتابي قصييييييد..

واذكر كتبت :-

حبيبي كم وكم مره تحملت الخطا منك
اداري بداخي حبك واحاول اكتم الشكوى

غرامي والشعر فني ..وجرحي بالهوى فنك
تبادلني قسى حبك وابادل قسوتك نجوى

صحيح اني نويت انسى غرامك وابتعد عنك
ولكن حظي العاثر تركلي قلب مايقوى!!

تركلي قلب يتناثر شتاته لاضحك سنك
وتصبح كل زلاتك بعيني شي مايسوى

تطمن يا بعد روحي وابد لايدور في ضنك
حبيبك يا نظر عيني تعود منك البلوى

تدلل وطلب اعيونه حراااام ليقولك جنك

لك الله ماحدن مثلك غدابه من بني حوى..!!!!!

**********

يــــــــــــــــــــــــــــتبع..

..

خلها على الله ماهي أول خساره
وياقلبي إصبر يمكن تكون خيره
إن كان ماوده يجي بإختياره
اللي خلقه الله..خلق ناس غيره
ليته عرف هالبعد وشلون ناره
ماكان عندي يبعد ويروح ديره
الشوق بعثرني وطال إنتظاره
يعني خلاص الحب هذا مصيره..؟
فواز..عطني من باكيتك(زقاره)؟
وخدر لي الشاهي وخليه شيره
بجر صوت ماجلبته الحضاره
ميراث شايب ماختلف في مسيره
بعض الشعر يقثع عليك المراره
وبعضه يداوي كل نفس كسيره
وانا لعبت القاف وأربكت كاره
لكن عفته يوم حاسوا مريره
من صاروا الشعار(نوره)و(ساره)؟
و(سيمون اسمر)هو يقود المسيره
بكره يصير الشعر رهن استعاره
يعني تقبل لو تهيجن (شكيره!!)
النفس طابت يوم كشف الستاره
يوم الكبيره تستوي بالصغيره
وادركت مافالجو ياكود فاره
استتبع الماخوذ ثم صار زيره
ودام انها ساحة لوي واستداره
بشوم عنها وياعساها سفيره
بطران..لاوالله شيخ البطاره
واعز نفسي عن نفوس حقيره
وعزاي بالعطار ورثه عطاره
واللي خدم مهما وصل تبع اميره
بنهي انا الموضوع وش لي بعاره
وارد للي ماتأنب ضميره
خل ظلمني ماعدلني بقراره
هو سبت احزاني وقلبي اسيره
اقفى ولاادري وين صارت دياره
والمشكله ماعاد لي معه سيره
قامت تعذر جيته والزياره
وانا جروحي من بعاده خطيره
اومى بكفه وابتسملي بحقاره
وعرفت ريح المسك من نفخ كيره
هو يحسب ان الغدر فن وشطاره
بس مادرى ماطار بالحب طيره
فواز وينك ماتمد الزقاره؟؟
لي حروة الساعه ابيلي تعميره
يمكن مع الدخان تطخ الحراره
خص اذا شاهيك ياخوك شيره
وخلها علي الله ماهي اول خساره
واللي خلقه الله خلق ناس غـــــيره

************

ودى أجيلك ومتردد من أسبوع
ودى ولكن خايف(ن) كيف ردك

أخاف تحسب جيتى لك بـها خضوع
وتزيد فى كبرك من الغيظ هدك

ما أكذب عليك أن قلت لك منك مفجوع
يــا قــو باسك كيف طــولت صــدك

يلوع بى همى.. وأناديك.. ويلوع
قلبى سبايب ما جنيته بيدك

وش فايدة صوتى أذا القلب منزوع
والمشكله مانى على جال حدك

غصب(ن) نقلت الجرح ماهو على طوع
وأصبحت ندك .! كيف أنا أصبحت ندك؟

ياسيدى مانى على الورد مدفوع
لا صار ما تاوى لمنهو يودك

ولا صار مغوينك حواسيد وربوع
ما طاب شئ(ن) فى هواهم يشدك

أسقيت زرع الصد وأنبت له فروع
وحطيت راحة يدك من تحت خدك

وخليت عذال الهواء تدفن الجوع
فينى وتروا من مشاريب عدك

مدخلك بالله لا يقولون مخدوع
أرفق عساها ذكرياتى تردك

وأن كانت الرده مثل حبت الكوع !!
الله حسيبك والليالى.. تضدك

*********

ماقل شأن ولا ارتفع بالشعر شأن

وكلا على ماقيل يجني حصيله

بالطيب والمعروف ولا بالاحسان

ولا مروسة الحكي والرذيله

فواز انا ياخوك مانيب زعلان

بس الزعل عمر بصدري سبيله

البارحه كني على راس بركان

وهم يعن القلب واخر يشيله

بلغ من اللي قد حشمته على شان

اطلق بني عمه يطول مقيله

وقله يابلشان بايش انت بلشان

ماطاب شي في خفاك تعنيله

تمشي على السكه ومن غير ميزان

هبيل خارجتك عقول هبيله

لاتحسبني معك ياهووه بحلان

شرواك رميه ماتعدى شليله

لكن ياغلبان دام انت غلبان

وش لك تناطح شي ماتقتويله

فواز مازايد على حب عدوان

قبيلتي ويارفعها من قبيله

ينطق بها دمي قبل لغوة لسان

والمدح يزهاها وهي تزدهيله

ان قلت بجمع طيبها تعجز اوزان

ماطاب راسي ولا القلم يهتويله

لانها بعيني شي اكبر وشتان

يوصفها شعري ولو لفيت بجزيله

يشهدلها تاريخ وازمان وازمان

من عهد ذو الاصبع وقيس وليلى

يوم الوغى يطحن وروغات الاذهان

حنا مقابيس الوغى والفتيله

اليا اختلط عج الرمق قدم الاعيان

نطلق حجاج اللي تعزوا بضليله

صغيرنا يكرم على كل نقصان

وكبيرنا دايم يزم الثقيله

سمي علينا الطائف العز وديان

ورجال تذكر بالكرم والنفيله

حدينا يقضي اللازم بكل ميدان

وقليلنا يكفي ولاهي قليله

كان العدد يزهي قبايل وعربان

حنا عددنا بالفعايل نخيله

ياقوم يا بلشان بايش انت بلشان

طيح ركابك لاتعود هزيله

وفواز انا ياخوك مانيب زعلان

تو الزعل طفى بصدري سبيله

*********

شد حيلك
في جروحي..
خل هذا الجرح يكبر
أجتهد..
عذب لي روحي
طيح من هالعين أكثر
بس تدري ياأناني..
هالجروح أكبر هدية
بينت لي شخص ثاني
ياقسى قلبه عليه
أشكرك...
من كل قلبي
كثر ماقصرت فيني
لكن أحلف لك
وربي
قدرك أنهيته بعيني..
شوف أنا أتعلمت منك
كيف أنا أجرح
وأناااام
حتى لو خيبت ظنك
ماأقول والله حرام
شد حيلك في جروحي
خل هذا الجرح ...يكبر

***********

نرجسيـه.. نرجسيـه.. أذكــر إنـهـا نرجسـيـه
كلمـةٍ مطـلـع قصـيـده راودتـنـي مــن زمــان

كـنـت أبكتبـهـا ولـكـن عـيـت ظـروفـي علـيـه
والزمن أيضا حداني وبعدها كـان اللـي كـان

نرجسـيـه يــا عـلـي بـنـتٍ تـمــادت بالخـطـيـه
أسرفـت فـي حالـي حـتـى عفتـهـا يـا بـورزان

بعثـرت عمـري شظايـا بيـن ذيـك وبيـن ذيــه
ولاقويت أجمع شتات العمر وأطراف الحنان

أذكر إنـي كنـت أهوجـس فـي غـلا هالأدميـه
وأحسـب للـحـزة لقـاهـا هالدقـايـق والـثـوان

وأذكر إنـي كنـت أشكـك فـي وجـود الجاذبيـه
وأتسـاءل ليـه أطيـر إليـا دعتنـي فـي مـكـان

وكنت أظن إن النهار إليا ظهر ثم بـان ضيـه
إستمـد النـور منهـا ثـم خــذى منـهـا ضـمـان

والضمان إنها تصون السر عـن كـل البريـه
مـا تخبـر بـه قريـب ولا يسـولـف بــه لـسـان

جــادل ربــي حبـاهـا فــي مـلامــح يوسـفـيـه
عنـق وإلا خسـر وإلا.... يادخيـل المستـعـان

إن تهـادت فـي خطاهـا تسلـب العقـل بـرويـه
وإن تثنـت شحـت كفـي وش بقـى للخـيـزران

وإذا إنتثر مجدولها اللي حشى ما شفت زيـه
فـاح ريـح العـود وإلا هــو عبـيـر القحـويـان

من نظرهـا كنـه اللـي ماحسـب طعنـة خويـه
ولالـــه إلا لاتـبـسـم ثـغـرهـا عـــض الـبـنـان

لو نظرها إبن الملـوح عـاف ليلـى العامريـه
يختلف طرقه ونهجه وتصبـح العشـره ثمـان

يتـرك الشعـر المقـفـى والـحـروف الابجـديـه
أو يهيـجـن هيجـنـة بــدوٍ لـهـم عــزه وشــان

أشهـد إنهـا مـن عذابـي ياعلـي ماهـي بريـه
قلـبـهـا قـاســي ونـــادر مــــا تـمـايـلـي ولان

عرضتـنـي للهجـيـر وقـالـت أمشـيـلـك بـفـيـه
واتركتنـي للسهـاد ولـوعـة أصـفـاد الـهـوان

واستباحت كل عرق مـن عروقـي والضحيـه
حبنـا اللـي مـن سواهـا مـا صفـا مـره وزان

عنجهـيـه ونرجسـيـه.. نرجسـيـه وعنجـهـيـه
حلهـا وشـلـون مــدري!! طالـبـك يـابـو رزان

*********

الـضـيـقـه الــلــي تقـلـبـنـي واقـلـبـهـا
يالله عسـاهـا طــواري لـيــل وتـعــدي

لــي يــوم ثـالـث تجاذبـنـي واجـاذبـهـا
الـيــن شـــدت بيـديـهـا عـلــى يــــدي

مـــا كـنــي الا قـريــب مـــن قرايـبـهـا
وماكنـهـا الا سليـلـه مــن نـمـى جــدي

يا كثـر مـا هـي لفتنـي وكيـف أحسبهـا
بــس الـوكـاد بغـثـاهـا بـيـحـت ســـدي

اطـرت لـي ليـل الثلاثـه وامسيـة ابـهـا
ذاك المسـاء البغيـض الحـالـك الـنـدي

قــوم تفـتـل مــن الضـيـقـه شـواربـهـا
والحـق معهـم وانـا اللـي جـاوزا حـدي

اضعفني وضعي وانا للـي كنـت غالبهـا
وثوب الشجاعه غدى وماهو على قدي

مابيـن قصـر نعـم وش قلـت واسحبهـا
كـان الحديـث الطويـل المرهـق الجـدي

حدونـي ابعـد ولا اقـرب يـم مضاربـهـا
والحـق يركـب مـن اللـي كـان متـعـدي

اذكر حلفت وقسمـت ارحـل ولا اقربهـا
وشـلـون مــدري ولـكـن كــان ذا ردي

قفيـت عنهـا اغاصب الرجـل واسحبهــا
كـنــه بــــودي وانــــا والله مــــا ودي

ادري خذلـت الهنـوف وكنـت مغضبهـا
مـاهـو بكيـفـي زمـانـي واقــف ضــدي

غـلـبـي وقـتــي كـثــر مـاهــو مغلـبـهـا
لاهــو تـهـيـا ولا هـــو قـابــل يـهــدي

لـو هـي دموعـي تـرد الوصـل بسكبهـا
الـيـن تـجـرح وتأسمـنـي عـلـى خــدي

ميـر الـبـلا مــا تفـيـد وحــظ صاحبـهـا
مـا طـاب لحظـه ولمـن طــاب مـتـردي

خلهـا علـى الله وانـا مـن وقـت كاتبهـا
بصبر وبرجي عزومي واعتزي شـــدي

الـضـيـقـه الــلــي تقـلـبـنـي واقـلـبـهـا
يالله عسـاهـا طــواري لـيــل وتـعــدي

*********

امسح دموعك ولا تطري الوداع
ولا تقول ان الهوا ذا مستحيل..

قبل لاتحكم علينا بالضياع
راجع اوراق الامل تلقى سبيل..

وان عصاك الوقت يازين الطباع
كف دمع العين والرمش الضليل..

واذكر ايام مشينا باندفاع
مانعرف الياس في ليل طويل..

يوم نزرع حبنا في كل قاع
ونقنع بحلو الامل لو هو قليل..

حبنا صافي ولامسه خداع
يرسم الفرحه على القلب العليل..

مثل مركب كنت واشواقك شراع
يبحر المركب ولو حمله ثقيل..

مايهمه موج وبحور وساع
مرتكي للميل لو طال الرحيل..

طالبك حاول بقد المستطاع
لاتروح وتبتعد يا اغلى خليل..

وامسح دموعك ولاتطري الوداع
وان نويت البعد خذ دمعي بديل..

*********

مســائك ورد يا اجمــل واروع من ورود الكــــــــون
ومسائــــي غربتي بديره بها المخمــــور والساقي

كـــــأن البــــرد فـــي لنـدن يطول ليلها المغبــــون
واحـــس الحـــزن يتسلل مــــن الشباك لعماقــــــــي

تعبـــت اسايــــر اركاب الشتـــا والشارع المجنـــون
بعالــــم غيــــر عالمنــــا ويخلـــف هقـــــوة الهاقي

وعجـــزت افهــم او اتفهــــم ولكن اسمع المظمـــون
ابنثرلك حروفـــــي شعــــر وادونها علــــى اوراقي

تــرا لازارنــــي طيفــك بوحشة ليلـــــــي المسكـون
اظمـــــه حيييل بجفوفــــي واحســـه داخل احداقـي

والـــى مــــن قال ظايقتــــك اردد لاتخـــــاف اتمون
ابيـــــك اكــــثر تلامسنـــــي وابطفي منك اشواقي

امانــــه كـــل ماجتنـــي من الظيقه اســـى واطعون
تعال الحــــق علــــي تكفــــى مــــدام ان الغلاباقـي

ومسائـــك ورد يا اجمـــل واروع مـــن ورودالكـــون
ومسائي فيك يتناســــى غثا المخمـــور والساقــي

**********

بــدري حبيبـــي تعال اجلـــس هنـــــا اقبــــالي
ودي أملّــــي عيونـــــي وخاطري بشوفــــــك

أجلــــس يا دوبـــك وصــــار الوقـــت يهنالــــي
مــــدام سمحـــــت لك الأيـــــــام وظروفـــــــــك

ياما وياما سهــــــرت الليـــــــل ياالغالــــــــــي
ارســــم خيالــــك واعانـــــــق بالهــــوى طيوفك

واكــــتب قصايـــــد نثرها الشــــوق فـــي بالـي
وأفــــرح إذا ما زهاها حـــــرف بحروفــــــــك

تبغـــــى الصراحـــه .. احبــك يا بعـــــد حالــــي
وعقلــــــي سلبتــــــه وقلبــــي صــــار ملهوفك

ما يـــــوم والله أطاوع فيـــــــك عذالــــــــــــي
لــــو هم يقولون جروحـــي بسبــــــــت سيوفك

تبـــرى جروحـــــي وأحـــــس الكــــــون يصفالي
لا صــــــرت يمــــي وكفــــي لامـــــس أكفوفك

بــــدري حبيبــــي تعالـــــي وخلك اقبالـــــــــي
وبالله كمـــــــل علــــــي اليـــــــوم معروفــــــك

*********

>نرجسيـــه<

*(( نرجسية ))*للشاعر فيصل العدواني

نرجسيه..نرجسيه..أذكر انها نرجسيه
كلمة مطلع قصيدة راودتني من زمان

كنت ابي اكتبها ولكن عيت ظروفي عليه
والزمان أيضا حداني و بهدها كان اللي كان

نرجسيه ياعلي بنت تمادت بالخطيه
أسرفت في حالي حتى عفتها يابورزان

بعثرت عمري شظايا بين ذيك و بين ذيه
ولا قويت أجمع شتات العمر وأطراف الحنان

أذكر إني كنت اهوجس في غلا هالأدميه
وأحسب للحزة لقاها هالدقايق و هالثوان

وأذكر اني كنت اشكك في وجود الجاذبيه
وأتساءل ليه أطير إليا دعتني في مكان

وكنت أظن ان النهار اليا ظهر ثم بان ضيه
إستمد النور منها ثم خذى منها ضمان

والضمان أنها تصون السر عن كل البريه
ماتخبر به قريب ولا يسولف به لسان

جادل ربي حباها في ملامح يوسفيه
عنق ولإ خسر والإ ..يادخيل المستعان

إن تهادت في خطاها تسلب العقل برويه
وإن تثنت شحت كفي وش بقى للخيزران

وإذغ انتثر مجدولها اللي حشى ماشفت زيه
فاح ريح العود وإلا هو عبير القحوان

من نظرها كنه اللي ماحسب طعنة خويه
ولا له إلا لابتسم ثغرها عض البنان

لو نظرها ابن الملوح عاف ليلى العامريه
يختلف طرقه و نهجه وتصبح العشره ثمان

يترك الشعر المقفى و الحروف الابجديه
او يهيجن هيجنة بدو لهم عزه وشان

أشهد انها من عذابي ياعلي ماهي بريه
قلبها قاسي و نادر ما تمايلي و لان

عرضتني للهجير و قالت أمشيلم بفيه
واتركتني للسهاد ولوعة أصفاد الهوان

واستباحت كل عرق من عروقي و الضحيه
حبنا اللي من سواها ماصفا مرة وزان

عنجهيه و نرجسيه.. نرجسيه و عنجهيه
حلها وشلون مادري!!طالبك يابو رزان

الف الف شكر

فيصل العدواني

شاعر له حضور وكلمات قويه

لاهنتي زخزوخه